The Best for you

اهلا وسهلا بيكم في المنتدى ويارب يعجبكم ونشوف مشاركات جميلة ومفيدة


    انواع البنات في فتح المسنجر

    شاطر
    avatar
    يمنمنو
    عضو نشيط
    عضو نشيط

    ذكر عدد المساهمات : 230
    نقاط : 30364
    تاريخ التسجيل : 13/07/2009
    الموقع : جده

    انواع البنات في فتح المسنجر

    مُساهمة  يمنمنو في الخميس يوليو 16, 2009 10:03 am

    العاقله!!



    لما تفتح ماسنجرها ماتكلم حد.. تنتظر الكل يرحب فيها وهي تبتسم وتقول شكرا..
    واذا حد ارسل لها فايل او رابط اغنية حطت له علامة استفهام وتسكت نص ساعه ماتكلمه..
    ولما تكون متحمسه في الكلام.. تكتب كل كلمة في سطر وتضغط انتر.. تخاف من الاخطاء الاملائيه.
    وضحكتها عبارة عن ابتسامه واذا كانت مبسوطه مررره تحط ثلاث ابتسامات.


    المصلحنجية!!



    ماتسلم عليك الا مرة في الشهر.. تدخل عليك فجأه وتحط لك ورده.. مع انها كل يوم متواجده وساكته..
    وتستخدم مشغول في الخارج.. واذا احتاجت مساعدة تجيك وتسلم عليك وتقول وينك من زمان ماشفتك؟ شدعوه ماتسال علي؟
    ترى اختي كل يوم تفتح ماسنجري واوصيها تبلغك السلام لاني مشغووولة حدي في الدراسة.. لووووول حلوه الترقيعه
    وبعد ماتخلص مصلحتها تقولك عن اذنك بروح اكمل مذاكره واختي بتجلس مكاني لاتكلمها بليز لووووول.

    الرسمية!!



    ترتب المجموعات الى قسم العائله و قسم الزملاء فقط.. طبعا مافيه قسم اصدقاء.. واغلب كلامها مثل.. احترم نفسك..
    رجاء هذي امور خاصة فيني.. ولما تسالها شخبارك؟ ترد انا بخير وتسكت.. واذا سلمت عليها ترد وعليكم وتسكت..
    ولما تعطيها اهداء تقولك شمعنا انا بالذات؟ لووول ياحياة الشقا.. واغلب وقتها تقرا مواضيع في المنتديات
    في قسم الرأي الاخر.. وتعشق برنامج الاتجاه المعاكس.


    الهبلة!!



    هذي كل سوالفها ضحك.. وكل شوي تكتب نكته وتضحك لحالها.. وضحكتها طويله تقريبا ثلاث سطور..
    واغلب كلامها بالصور.. تستخدم كل صور الماسنجر وغلطاتها الاملائية كثيرة.. وتجمع عدة اشخاص في صفحة واحده.. وتتكلم عن ثلاثة مواضيع في وقت واحد..
    وتقرا العناوين الرئيسية في الجريدة وتجي تسال عنها.. ينقالها متابعة الاحداث العالمية خخخخخخ.
    وكل شوي تغير الصورة الجانبيه.. والنك.. ولون الخط لوووول.


    الدفشة!!



    تغيب أيام طويلة مدري وين تروح وترجع فجأة.. وكلماتها مثل.. شخبار امك عساها طيبة؟ يادلخ.. انقلع.. ضف وجهك.. ابي فزعه.. لاتزعل من اوخيتك تراني امزح..
    ودايم تطيح الميانة.. وثقافتها ماتعدى المتوسطه.. وتفكيرها في البر والتفحيط والددسن.. وتمووت في اغاني خالد عبدالرحمن..
    وماتعرف من العطورات غير دهن العود ابوعشرين.. ولو كلمتها عن ماركة قوتشي او ديور بتقولك مقاطعة الامريكان.. وضحكتها زي كذا هع هع هع
    وتكتب بلون اسود لانها ماتعرف تغير الالوان هع.



    البطة!!



    طباخة ممتازة وتحب تسولف عن الاكل.. ودايم جوعانه.. ونقطة ضعفها الجالكسي جواهر والاندومي.. وقبل موعد العشا بساعه يكون مزاجها متعكر ودايخه و تسولف من غير نفس..
    ولما ينادونها للعشا تقفل الماسنجر بسرعة البرق.. لوووول وعادة يكون نكها فراولة الرياض او شوكولاته أنيقة او رمانه مخصرة..
    ودائما تتكلم عن تجاربها الفاشلة في الريجيم هع.. مستحيل تشوفها في النهار لان الجو حار.. اوقاتها من العصر و طالع.
    دمها خفيف ومرهفة المشاعر وأقل موقف ممكن يبكيها.

    البريئة!!



    عمرها يكبر وعقلها مايتغير.. مازالت طفله وعلى نياتها.. تثق في كل الناس وبسرعة تتأثر.. وكل يوم تسألك كم عمرك؟
    تعشق سبيس تون وبينك بانثر و تحب تسولف عن الأزياء والتسريحات.. تتواجد في العصر و المغرب لانها تنام بدري.. ماعدا يوم الخميس طبعا
    شعارها الدنيا حلوة.. احيانا تجيك سكتة قلبية من غبائها ومع ذلك هي الاولى في المدرسه.. لو بلغتها باسرارك بتفضحك في كل المنتديات..
    تخاف من الأرنب والقطوه و أي شي يمشي على اربع رجيل.. حتى انت لو تمشي على اربع بتخاف منك


    المتزوجة!!



    هذي ممكن تكون سبب في كرهك للزواج.. كل سوالفها عن مشاكل الزواج و غثى اعيالها.. وفجأة تقولك برب وتروح تصايح على اعيالها وترجع
    وكل يوم تسألك متى ناوي تتزوج عشان نفرح فيك؟ واذا وصل زوجها للبيت تقفل الماسنجر في وجهك وتطلع من غير لاتقول باي لوووول..
    اوقاتها مختلفه مالها وقت محدد.. وترز صورة اعيالها في الماسنجر ينقالها تحبهم لوووول.. شعارها يازين حياة العزوبيه
    نكها مثل المهمومه.. الجريحه.. المهاجره.. وتحب تسمع الكلام العاطفي وأغاني عبدالحليم.. مزاجها متقلب مره تضحك ومره تبكي

    --------------------------------------------------------------------------------
    avatar
    يمنمنو
    عضو نشيط
    عضو نشيط

    ذكر عدد المساهمات : 230
    نقاط : 30364
    تاريخ التسجيل : 13/07/2009
    الموقع : جده

    رد: انواع البنات في فتح المسنجر

    مُساهمة  يمنمنو في الخميس يوليو 16, 2009 10:05 am

    بصراحه يعني الموضوع يخص الصبايا اممممممم واتمنى مايكون فيه زعل وعلى فكره هذي اشياء واقعيه شوفو بنفسكم واتاكدو تحياتي للجميع وانشالله يعجبكم
    avatar
    sammar
    قمر المنتدى
    قمر المنتدى

    انثى عدد المساهمات : 376
    نقاط : 30959
    تاريخ التسجيل : 12/06/2009
    العمر : 28

    رد: انواع البنات في فتح المسنجر

    مُساهمة  sammar في الخميس يوليو 16, 2009 10:40 am

    صراحة مدري ازا صح الكلام ولا لاء
    بس ممكن يكون صح
    والكلام يضحك
    هههههههههههههه
    تسلم على الموضوع
    تحياتي
    سمر القمر


    _________________
    avatar
    لومي
    دلوعة المنتدى

    انثى عدد المساهمات : 340
    نقاط : 30768
    تاريخ التسجيل : 12/06/2009
    العمر : 31

    رد: انواع البنات في فتح المسنجر

    مُساهمة  لومي في الخميس يوليو 16, 2009 3:18 pm

    ههههههههههههههههههه
    يسلمو ع الموضوع الجميل
    شكلو انــــــا المتزوجه
    lol! lol! lol!
    avatar
    doodi
    مشرفة و بنوتة المنتدى

    انثى عدد المساهمات : 179
    نقاط : 30479
    تاريخ التسجيل : 14/06/2009

    رد: انواع البنات في فتح المسنجر

    مُساهمة  doodi في الخميس يوليو 16, 2009 8:51 pm

    هههههههههههههههههههههههه
    حماس بس ماعرفت انا ايت وحدة lol!
    يسلمو على الموضوع الجيد دا

      الوقت/التاريخ الآن هو الأحد سبتمبر 24, 2017 6:56 pm